2011年10月25日 星期二

霉足 5年大翻身 《那些年》女神浴照流出


霉足 5年大翻身 《那些年》女神浴照流出
2011年10月26日
Face



攞命校服
陳妍希跟柯震東因沈佳宜同柯景騰而突然爆紅。戲內沈佳宜、柯景騰談情戲多數喺校園內發生,雖然故事發生喺台灣,但一班港男港女一樣有共鳴。


台灣電影全城瘋狂,《那些年,我們一起追的女孩》上週四( 20日)上畫,首日票房高達 139萬,成為單日票房冠軍,至週日累積已收過千一萬,全城爭睇。
電影勁,《那》片男女主角更加一炮成名,男主角柯震東(柯景騰)跟女主角陳妍希(沈佳宜)逐一被起底。其實陳妍希出道五年,一直做開台劇二打六。直至《那》片先洗脫霉氣,最爆係純女沈佳宜原來清純得、濕身谷胸仲得,導演九把刀揀女有一手喎!
上畫四日(截至週日),台灣勁片《那些年,我們一起追的女孩》連同優先場的票房已達 1,144萬,力壓同期杜琪峯的《奪命金》和西片《鐵甲鋼拳》做票王,台片在港又抬頭。


胸前偉大
08年,陳妍希拍住可愛教主楊丞琳拍台劇《不良笑花》,谷到行,仲嚇親教主添!



罕有水着



09年拍《聽說》嘅陳妍希,經常要着泳衣兼濕身沖涼,陳更以此片入圍今屆金馬獎最佳女配角。



短髮新 look
陳妍希戲中一直 keep住長髮,年青又純情。不過最近來港宣傳時,已經變咗短髮,似乎冇咁索。

泳衣突圍

其中女主角陳妍希睇落童顏,但實情今年已 28歲,出道 5年一直只是在台劇中做二打六閒角,冇乜人識下獲導演睇中佢純殼 look飾演沈佳宜,導演九把刀曾說:「我第一眼已經睇中佢,沒有想過另一個。」結果親切鄰家女輕易秒殺宅男。
但片中勁賣純情嘅陳妍希( Michelle),原來 09年在電影《聽說》中飾演游泳健將,豪穿一件頭水着兼出埋浴, 08年拍台劇《不良笑花》仲有激罕微隙益毒男。之前有台灣雜誌話佢曾經俾人問價,女神純殼被質疑,搞到女神要急急澄清:「沒有,我絕對沒有做過,如有做過便退出娛樂圈。」啱啱彈起就發誓,點都撐你啦女神。


純愛初約
畢業後,沈佳宜跟柯景騰終於有第一次的約會,兩人喺台北景點平溪鎮大街一日遊,手都冇拖過,齋喺冬天食冰, keep住純情。



沙灘騷肌
在《那》片裏,柯震東除了露股之外,少不免要除衫騷吓肌,女 fans嗌救命。



上堂打手槍
柯景騰血氣方剛,上堂打手槍一幕笑到肚痛。
主角親述「我覺得很快樂」



08年,陳妍希跟仔仔周渝民喺《這裏發現愛》裏有激吻戲,當時還被傳他介入「大仔戀」。

柯景騰唔專一

20歲柯震東飾演的柯景騰深愛沈佳宜,專一情聖形象亦令他在港台爆紅,可惜柯震東有正印女友之餘,仲試過「一夜會三女」,仲有跳艷舞同自摸照流出,唔想夢想幻滅,都係睇戲算啦!

《那些年》感人回憶

《那》片是九把刀的半自傳電影,講述柯震東飾演嘅柯景騰(即少年九把刀)高中時暗戀班中高材生沈佳宜(陳妍希飾),由高中追到大學直到「愛人結婚了」,都只可以維持曖昧關係。片中柯騰為女神做盡冧女事,睇咗同未睇都不妨學吓嘢。

雨中罵戰




柯騰在大學宿舍搞「打擂台」,更被打到遍體鱗傷,激到女神在雨中大罵佢「幼稚」,而柯騰駁嘴話:「我就是幼稚才會追你這麼久!」但片尾有幕講柯騰主動氹番沈佳宜,可惜純屬柯騰幻想,悔不當初囉!

點燈表白




二人升上大學後,相約聖誕假期逛台北,二人去到旅遊景點平溪鎮點孔明燈許願時,柯騰趁機表白話:「總有一天我一定會追到你,百分之一千萬一定會追到你。」可惜最終願望落空。

代罪抬凳




起初柯騰同沈佳宜互相鬥氣、關係麻麻,有次沈佳宜唔記得帶英文書,柯騰竟將自己嘅課本塞畀佢,代替女神抬凳罰企,令女神開始對佢改觀。

安慰撫背

女神因聯考時肚痛而考唔入志願大學,柯騰即時踩單車出嚟安慰佢,見佢喊得淒涼,都只敢掃下背脊等佢平復咋,初次接觸女神,又未有進一步行動,睇到個個心急死!




婚禮祝福

沈佳宜最後同別人結婚,在婚禮上柯騰諗通咗「如果真正喜歡一個人,你會真心的祝福她永遠幸福快樂」,更為咗可以錫到女神,不惜錫新郎。



震後尋人

柯騰自雨中同女神鬧翻後,二人已有兩年冇聯絡,但當發生大地震,柯騰第一時間打電話搵女神,擔心對方有事。





《那些年》冧死情話




人生本來很多事情都是徒勞無功的!

如果柯景騰跟我告白的話,我會非常開心的。

戀愛最美好的就是曖昧。




我都以為我自己是個超有自信的人,但那時我才發現,原來在喜歡的女孩面前,我是個膽小鬼。

所謂的厲害,就是讓這個世界,因為有了我,會有一點點差別。而我的世界,不過就是你的心。

對,我就是幼稚,我就是幼稚才有辦法追你那麼久!

也許在另一個平行時空裏,我們是在一起的。

葉念琛:啱港人口味

《那些年》講 90年代一班台灣中學生的愛情故事,全片勁清新,連專拍愛情片嘅導演葉念琛亦讚:「比《海角七號》更平易近人。」

葉念琛




《那》好好睇,我好鍾意套戲 嘅氣氛同對初戀 嘅感覺,就算香港人都代入到台灣 嘅文化,比《海角七號》更平易近人, 啱港人口味!

觀眾陳先生




好多段都好驚喜,尤其回憶片段,同埋女主角咀新郎嗰段,我哋兩個都睇到喊!

《那些年》全民共鳴

《那》片圍繞柯景騰在 90年代的高中同大學生活,以為港人會因地域差異而睇唔明?但其實處處校園生活都離唔開拍下拖、唱下歌,點會冇共鳴吖?


齊罰企
老師對付壞學生嘅招數,幾乎萬變不離其宗,唔係罰抄、罰企,就係罰留堂。柯騰和女神及一班死黨同老師頂嘴,當然被罰坐無影凳啦。



打手槍
話晒係血氣方剛之年,柯騰得閒無事就同幾個宿友相約睇 AV打手槍,呢啲群體活動真係得男生至明。



傳紙仔
在一人一手機嘅年代之前,同學仔上堂時想傾密偈,惟有靠傳紙仔。戲中肥仔阿和就經常傳紙仔撩女神傾偈。



畫校服
唔少同學仔都鍾意在畢業當日在校服上簽名畫公仔當留念,在戲中柯騰死黨們在畢業禮上亦有跟足傳統喪畫校服。



Like馬尾
戲中柯騰同女神打賭比成績,如果女神輸咗就要紮一個月嘅馬尾,雖然柯騰輸咗要剃頭,但女神最後都紮起頭髮,搞到一班男生勁驚喜,之後台灣仲興起一股馬尾潮,影響深遠。

《那些年》搶鏡 5綠葉

《那》片話明叫「我們一起追的女孩」,除咗柯景騰,沈佳宜身邊仲有 4個觀音兵同 1位樣貌平凡嘅女性好友彎彎。其實 5位綠葉個性勁突出,搶眼度唔差過男女主角。




左起
老曹(敖犬飾)
.鍾意 chok樣扮靚仔
.最冇膽向沈佳宜示愛

勃起(鄢勝宇飾)
.隨時隨地勃起
.實質係純情男

柯景騰

沈佳宜

彎彎(彎彎飾)
.為沈佳宜好友,以真實姓名許家瑋登場。
.喜歡畫光頭公仔,後成為作家彎彎。

該邊(蔡昌憲飾)
.經常以變魔術同搞笑嚟吸引注意
.同時追求沈佳宜和彎彎

阿和(郝劭文飾)
.成日扮成熟
.奪愛高手

熱血王




人稱「勃起」的四眼男許博淳因經常勃起下體而被柯騰等取笑,加上又生得戇居,在戲中經常出醜,搞笑得來勁搶鏡。

積極肥仔




肥仔阿和當知道柯騰同沈佳宜鬧翻冷戰,即刻搭火車搵女神,仲講到明要乘虛而入,雖然將女神搶到手,但唔夠 5個月即散。

九把刀迫走沈佳宜

《那》片由原名叫柯景騰的九把刀的追女自傳改編而成,加上佢亦不避諱直接開女神沈佳宜 嘅名字,連人 哋讀師範大學都爆埋,成千上萬台灣網友即刻人肉搜尋女神真身,搞到任職小學老師 嘅沈佳宜(右圖)在 9月開學前,就申請停薪留職,陪老公到內地公幹避風頭。今次真係愛佢變成害佢囉!


左二:九把刀



堅版
沈佳宜

《那些年》噏乜

《那》有唔少地道俚語同台語,未必個個通曉。

「機巴」:即「機八」,在台語指「雞歪」的意思,即指「很討人厭」。
「機車」:形容某人很固執、討厭。
「白目」:指某人自作聰明、亂講嘢。

港星激讚晒初戀
糖妹




睇到 啲校服戲就諗起以前中學時代一 啲戀情,我 嘅初戀 喺中三, 4個月就俾人飛 咗,但有人表白呀、錫錫都係 sweet嘅。

林欣彤




我初戀冇套戲咁難忘,初戀係 13歲時 嘅同學,唔敢同佢講 㗎,後來佢用 咗幾個月 嚟追我,可惜大家覺得唔適合而分手。

周柏豪




套戲情節似以前中學 嘅我,但我 嘅初戀比較哀傷,因為對方有個男友一年幾,我做 咗第三者而竟然唔知。

陳偉霆




套戲勁有初戀 feel呀,我初戀 15歲, 嗰時因為箍牙,好冇自信!但 喺牙醫診所遇到個又係箍牙 嘅女仔,自信即刻返晒 嚟,咪追佢囉。

森 美




直頭重拾我讀書時 嘅回憶,不過我中學係讀男校,所以勾起 嘅係我小學初戀回憶。

2011年10月19日 星期三

疑似性交片流出 爆 JC荒淫史


疑似性交片流出 爆 JC荒淫史
2011年10月19日
Face


在香港工作不時被影到夜蒲爛醉當街扯煙相片,去年 10月聲稱在美國工作的 JC更戴上假髮,着住內衣,再孖住華裔女歌手好友劉晨芝出席萬聖節派對。(網上圖片)

先爆涉於櫃員機順手牽羊被告盜竊、再傳疑似淫片疑被前度出賣,短短一個星期,警鐘胸 Jessica C.兩度登上娛樂頭條,人氣名模搞到要以拍片為名,速逃高雄避風頭。
貪小便宜固然不該,疑似淫片外洩亦不能盡怪前男友。據知情人士透露, 14歲出道的 JC作風一直豪放,不論在港還是老家美國都爛玩過人,上得山多終遇虎囉。
上週一( 10日)傍晚, 22歲名模 JC驚爆身在尖沙咀警署消息,後經警方證實,涉嫌於去年七月順手牽羊取走被人遺留在櫃員機的 600元。至上週四疑似 JC淫片截圖外洩,疑被前前男友出賣,隨即傳出身在高雄的 JC慌失失終日以淚洗面。


上週四( 13日),一名男子向各大傳媒叫價 45萬港元,兜售一套疑似 JC淫片。模特兒莊思敏一見報道公開表示:「唔係似,直頭係佢!」(網上圖片)



男子以低劣手法處理過淫片截圖的重要部位,不過相中女子的髮型及面形還是十分形似 JC。(網上圖片)



除了女上男下大膽姿勢外,截圖還包括疑似口交場面,甚似 JC。(網上圖片)



上週一, JC因涉嫌偷竊被捕,當晚佢離開尖沙咀警署時心情唔算太差,其間更面對鏡頭企定擺甫士。

飛美過冷河


合作兩年的內衣品牌 Wacoal,最近亦表示與是非多多的 JC沒有合約。

09年憑 Canon打印機廣告迅速走紅,芝加哥長大、 14歲入模業的 Jessica C.,在香港成名以來,作風出名豪放。
雖然一出道就喜歡拖着巴西籍模特兒男友 Sergio晒恩愛,據知情人士透露,與 Sergio相識前甚至二人熱戀期間, JC一樣愛蒲愛玩:「 JC同身邊人都好肯定唔會係被 Sergio出賣,反而 喺 Sergio前, JC有個菲律賓籍男友拍 咗拖成 3年。其實舊年 7月出 咗事,佢自己都驚驚 哋,所以先至會話去荷里活發展。」 JC離開一段時間諗住過一過冷河,但去到荷里活根本冇工作,迫住返港搵銀,誰知今個月回歸便出事。」

Wacoal:佢唔係代言人

JC上年闖美期間夜夜笙歌不時與友人開 P,本刊更於 Jessica的 facebook發現多張佢當時身在洛杉磯、扮鬼扮馬於萬聖節開 P的夜蒲相。
直至今個月 JC回歸替 Wacoal行內衣騷後唔夠一個星期就接連發生偷竊及淫片。形象插水,連支持 JC兩年的內衣品牌 Wacoal發言人都劃清界線向本刊說:「我 哋同 Jessica C.一直係以 project形式合作,佢身段完美、工作態度亦專業,有產品 啱就會搵佢。但佢一定唔係我 哋嘅合約代言人,手頭上嘅工作亦都全部完成。至於會唔會再合作,我 哋公司要再研究。」

蒲闖荷里活


話就話要去 casting勇闖荷里活,據悉去年 10月 JC避走 3個月實情係避風頭。記者從 JC嘅 facebook發現她在洛杉磯出席萬聖節 P相,其中一張佢同男友 Sergio攬到實一實,仍未分手。(網上圖片)



當時身在美國的 JC完全把櫃員機事件拋在腦後,盡情與友人開 P。(網上圖片)




上週六( 15日),涉官非又疑似被舊愛出賣的 JC,最後更新 twitter,引用兒歌歌詞「 Rain, Rain, go away」希望快些雨過天青。




Jessica出名熱情,月初被古巨基邀請任演唱會嘉賓,臨時被安排要咀古巨基都冇 say no,仲話:「只要 Lorraine唔介意,我都 ok!」

反叛警鐘

疑似淫片又涉偷竊,換着第二個小朋友偶像同玉女就話嚇人一驚,不過發生 喺一向唔算乖巧保守的鬼妹仔 Jessica C.身上,實情唔算奇聞。

打假波



闖港前在日本做奀模的 JC,被揭發陳年工作照平平無奇,幾年間卻突然發育出堅挺警鐘胸,惹來打假波嫌疑。

煙癮大


身上有臍環、 脷環,平時常被影到當街扯煙飲酒玩天光,現年 22歲的 JC名副其實派對動物。

鴛鴦戲水


曾經當街撚男友下體、自稱喜歡鴛鴦浴皆因可以一舉兩得, JC還曾被拍到與 Sergio在澳門黐纏縱慾三日兩夜。